Политикэ 1офхэр Зэзхьэрэ Хасэхэм Хэт Ик1и Лъэпкъ 1оф Зэзхьэрэ Л1ык1охэр

Лъытэныгъэ зэттырэ,

Адыгэ Республикэм итхьаматэ Къумпыл Мурат,

Къабэрдэй-Балкъар республикэм итхьаматэ Коко Казбек,

Карэшэй-Черкес республикэм итхьаматэ Темрезов Рашид,

Дунэй Псоу Адыгэ Хасэм итхьаматэ Сохърокъуэ Хьаути.

Тыгъэ къок1ып1э- благъэ  хэгъэгухэм (ближний восток), Сирием илъэс 15 хъугъэу  зауэ шек1о. Либанон (Ливан), Жордан (Иордании), Мысыр (Египет) панэм тес фэдэх. Мы зауэхэм Адыгэ мымак1э пчагъэ ахэк1одагъэх, мин пчагъэми я1э мылкур агъэк1одыгъ, дунаем тепхъагъэ хъугъэх.

Бэрэ кэттхыгъ, Адыгэ хасэхэм ик1и лъэпкъ 1оф зэзхьэрэ зэгуэхьаныгъэхэм хэт ти нахьыжхэм афэт1отагъ, гъогурамхэм татехьи тимакъэ къышъулъыдгъэ1сыным тыпылъыгъ.

Шъуи лъэпкъэгъухэм апае Хэкум ипчэхэр/игъунапкъэхэр къызэушъхынэу тызэрэфаер къышъулыдгъэ1эсэнэу тыфэягъ. Ау къызэ1ушъухыгъэп! Тэ къат1охэрэр шъуиш1уэш1 мыхъумы шъук1уи шъуинэхэмк1э зэжъугъэлъэгъу ты1уагъэ, шъук1уагъэп!

Ары, нэшъу фэдэ, дэгу фэдэу е бзакуэм фэдэу зышъу1ыгъэп ау тэ зэрэтышъулъэгъурэр, тимакъэ зэрэзэхэшъухырэр тэ къытэжъугъэш1агъэп.

Къэшъуэш1эжыми тш1эрэп ау тэ а шъузэрис Хэку ц1ык1ур къэзгъэгъунагъэ къагъэгъунэзэ хэк1одагъэ е рафыгъэ л1ыхъужхэм къак1энагъэхэм тарибын; тэ лъэпсэгъэк1од гъыбзэхэр тшымгъупшэу къэз1орэ ик1и Адыгэ Хэкум фэзэшырэ шъуттырилъэпкъэгу. 

Загъорэ шъукъыдде1оу, мафэкъэс духьахэр къытфэшъухьэу къушъутефэрэр шъуэгъэцак1э фэдэу къышъушэхъумы шъухэукъо.

Шъуэри бэу дэгъуэу шъуш1эн фае мы ятеплъэк1э дахэ арау насып зимы1э хэгъэгухэм зауэхэр шыухыштэп. Тэ Адыгэхэри, шъуиш-шъуишыпхъухэр мы хэгъэгухэм е тышыл1эшт е мы ч1ыгухэр тыбгынэн тызшык1одышт пэмык1 хэгъэгухэм тык1ожышт.

Зауэ зэфэшхьафхэр къызежэшт мы мафэхэм джыри зэ тимакъэ къэтэ1эты:

Тэ акъшэк1э, тхьэцъук1э е хьэджыгъэк1э шъукъыддемы1... Хэкум ипчэхэр игъунапкъэхэр къызэ1ушъух: "Мыр шъуэри шъуихэку, шъукъэк1ож ти1э д1эк1ур зэфэтыугошын" шъу1оу, шъуигу къыдэк1эу шъукъытэджэжи, дунаер шы1эфэ тышыпсэуын, Хэкум ят1э тыфэхъун, тызэрэ 1эхьылыр, шы-шыпхъу фэдэу шъуттызэрэфэшытыр шъуигу къэжъугъэк1ыж тэри къытэжъугъаш1. 

Таук1ы е Дунаем изэфэшхьаф хэгъэугхэм тырафы, ипхъахъ-итэкъуэу дунаем тызэбгырафы. Шъуигу узырэба?

Шъуттэлъэ1у Сириием, Израилым, Либаноным, Жорданым, Тыркум шы1эныгъэм зыхагъэнагъэу шыпсэуыхэу арау Адыгэ Хэкум фал1эу шъуиш-шъуишыпхъухэр зэрэдэсыр шъушымгъэгъупш...

Адыгэ Хэку Зэгуэхьаныгъ

11. 03. 2025