Хасэм джырэкlэ зэфэхьысыжь-хэдзын зэфэсым зыфегъэхьазыры, ар мы шэмбэт мафэм Мыекъуапэ щыкlощт ыкlи зэкlэ районхэм ащ хэлэжьэщтхэр къарыкlыщт, гъунэгъу шъолъырхэм яхасэхэм ятхьэматэхэри, ялlыкlохэри къэкlощтых. Зэфэсым изэхэщэн зэlукlэгъум илъэхъан тытегущыlагъ.
Адыгабзэм иухъумэн, шэн-хабзэхэм, тарихъым, культурэм ялъыгъэкlотэн, язэгъэшlэн илъэс пчъагъэ хъугъэу Адыгэ Хасэр дэлажьэ. lофшlэн амалышlухэр иlэх. Республикэм зэкlэ щызэхащэрэ lофыгъохэм Хасэм хэтхэр чанэу ахэлажьэх.
lэкlыб хэгъэгухэм ащыпсэурэ тилъэпкъэгъухэм джащ фэдэу игъэкlотыгъэу адэлажьэх. Тыркуем ыкlи Сирием къащыхъугъэ чlыгусысыным тхьамыкlэгъошхо къыздихьыгъ, чlэнагъэхэр бэдэд. Ащ ыпкъ къикlэу фэдэ зэдэлэжьэныгъэм мэхьанэ ин непэ иlэ мэхъу.
Хабзэри, цlыфхэри игъусэхэу Адыгэ Хасэм зэкlэ ригъэжьэрэ lофышlухэр тиреспубликэ ыкIи тикъэралыгъо паекlэ шlуагъэ хэлъэу зэрэзэшlуихыщтыхэм сицыхьэ телъ.
Типичная Адыгея
Facebook 
Twitter 
Pinterest 
Linkedin 
Tumblr 
vk 
Odnoklassniki 
Reddit 
Whatsapp
Google Bookmarks
