Адыгэ Республикэм Щыпсэухэу Лъытэныгъэ З ЗыфэсшIыхэрэр! Ныбджэгъу лъапIэхэр!

Адыгэ Республикэм щыпсэухэу лъытэныгъэ зыфэсшIыхэрэр! Ныбджэгъу лъапIэхэр!

Адыгэ Республикэр зызэхащагъэм ия 33-рэ илъэс фэшI сышъуфэгушIо!

Адыгеир зышIолъэпIэ пстэури мы мафэм зэрепхы, ащ щыпсэурэ цIыф лъэпкъхэм ягъэхъагъэхэмрэ язэгурыIоныгъэрэ ар ятамыгъ, тилъэныкъо гупсэрэ ти Хэгъэгушхоу Урысыемрэ джыри нахь зэтегъэ­псыхьагъэ хъунхэм гуетыныгъэ фыряIэу фэлэжьэнхэми фегъэчэфых.

Тихэгъэгушхо инэмыкI шъолъырхэм зыкIэ ащыщ Адыгеим лъэпсэ пытэ фэзышIыгъэ пстэуми лъытэныгъэшхо афысиIэу сызэрафэразэр къыхэсэгъэщы. Республикэми хэгъэгуми яфедэ зыхэлъ Iофтхьабзэхэм яшIэныгъи акIуачIи фэзыгъэIорышIэрэ тичIыпIэгъухэм, хэушъхьафыкIыгъэ дзэ операцием хэлажьэхэзэ неонацистхэм апэуцужьхэрэм тарэгушхо.

Ти Хэгъэгушхоу Урысыем тыригъусэу, Урысые Федерацием и Президентэу Владимир Путиныр типащэу тикъэралыгъо игъэпытэн епхыгъэ пшъэ­рылъхэр зэшIотэхых. Зыгу къытфэмышIу хэгъэгу­хэм апкъ къикIырэ къиныгъохэу тызэуалIэхэрэм ямылъы­тыгъэу, зэкIэми ткIуачIэ зэхэлъэу тиэкономикэ зыкъетэгъэIэты, нэмыкI лъэныкъо шъхьаIэхэмкIи хэхъоныгъэ тэшIы.

Къэралыгъом ипащэ къыгъэуцугъэ пшъэрылъхэм язэшIохын Адыгеим иIахь хешIыхьэ. Экономикэм илъэныкъохэм хэхъоныгъэ ятэгъэшIы, цIыфхэр зычIэсыщтхэ унэхэм яшIынкIэ, псэупIэхэм язэтегъэ­псыхьанкIэ, унагъохэм ящыIакIэ нахь зыкъегъэIэтыгъэнымкIэ бэ зэшIотхырэр. Хабзэ зэрэхъугъэу, унагъохэм ягъэпытэн ренэу тынаIэ тетэгъэты. А IофшIэным мэхьанэу иIэр къегъэлъагъо унагъом и Илъэс Урысыем зэрэщыхагъэунэфыкIырэм.

Ныбджэгъу лъапIэхэр! Непэ лъэшэу зэхэтэшIэ тизыкIыныгъэ дгъэпытэн, общественнэ-политикэ зыпкъитыныгъэр, зэгурыIоныгъэр щыIэнхэ зэрэфаер. Джырэ лъэхъаным къыгъэуцурэ Iофыгъохэм ялъытыгъэу ткIуачIэ зэкIэми зэхэтлъхьан фае.

Тызэгъусэмэ, сыд фэдэрэ къиныгъохэри зэпытчын, тигупсэ Адыгеим щыIакIэу илъым зыкъедгъэIэтын, ти Хэгъэгушхо джыри нахь зэтегъэпсыхьагъэ тшIын зэрэтлъэкIыщтым сицыхьэ телъ.

ЗэкIэми сышъуфэлъаIо псауныгъэ пытэ, насып, щыIэкIэшIу шъуиIэнэу, гъэхъэгъакIэхэр шъушIынхэу, шIоу щыIэр къыжъудэхъунэу!