Мэзэ Минмэ Анахь Лъап1эр Къадыр Чэщ

НэкIмазэм иаужырэ чэщ-мэфипшI хэт КъурIан лъапIэр Алахьталэм къыри­гъэхынэу зыщыригъэжьэгъэ чэщыр. Ар зытефэрэр Къадыр чэщыр — мэзэ минмэ анахь лъапIэр ары. 

ШIэныгъэлэжь­хэу Пегъымбар лъапIэм ыужкIэ къырыкIуагъэхэм зэралъытэщтыгъэр, непэ къызынэсыгъэми зэрэхагъэунэфыкIырэр я 26-рэ мафэр занэкIырэм ыужырэ чэщэу мы мафэмрэ я 27-рэ мафэмрэ зэдырячэщыр ары Къадыр чэщыр.

ЦIыфхэм къарыкIощтыри, къэхъущтхэри, цIыфхэм ярызыкъи Къадыр чэщым мэлаIичхэм атхых. ЫпшъэкIэ къыщытIогъэ пстэуми апай мы чэщыр зыфэлъапIэр, адрэ чэщхэм ялыеу. Мы чэщ лъа­пIэм Тхьэм нахьыбэрэ тызфелъэIурэр ирэзэныгъэ, игукIэгъу, ипсапэхэр къытлъигъэIэсынхэм пай.

Пегъымбарым ыIуагъ: «Шъулъыхъу Къадыр чэщым НэкIмазэм иаужырэ мэфипшIым». Пегъым­барым ишъхьэгъусэу Айшэ къы­Iожьыгъ Къадыр чэщым дыухьэу къэпIощтыр: «Я Алахь, о псэкIодхэр огъэгъух, шIу олъэгъу псэкIодхэр бгъэгъунхэу, сыолъэIу сэри, сипсэкIодхэр къысфэгъэ­гъух».

Типичная Адыгея

Video: https://fb.watch/jZGG9hskto/?mibextid=cr9u03