Темыр Кавказым мы мафэхэм Тыркуем къикIыгъэ хьакIэхэр щыIэх – Кавказ хасэхэм я Федерациеу мы къэралыгъом щызэхэщагъэм илIыкIохэр къеблэгъагъэх. Япшъэрылъ – ятарихъ чIыгужъ зэпхыныгъэу дыряIэм зырагъэушъомбгъуныр ары.
УимгъэгушIон плъэкIырэп джэпсалъэу зыфашIыжьыгъэм – «КАФФЕД-м Хэкужъым ынэIу къыфэгъэзагъ».
Тизэдэлэжьэныгъэ урысые -тыркуе зэфыщытыкIэхэм ягъэпытэн фэIорышIэн фае, сыда зыпIокIэ адыгэхэу IэкIыбым ис хъугъэхэр тикъэралыгъохэм язэкъошныгъэ лъэмыджых. Джыдэдэм мэхьанэ ин зиIэ лъэныкъуакIэхэу тилIэужхэм къафэфедэщтыхэр къызэIутхынхэм пае тизэпхыныгъэхэм бэкIэ тащэгугъу.
ЗэIукIэм къыщытIэтыгъэх Iофыгъуабэхэу тызэрэзэдэлэжьэщтхэр: гъэсэныгъэм, культурэм, спортым, зекIоным, зэкъош зэфыщытыкIэхэм, Тыркуем исатыушIхэр Адыгеим исатыу проектхэм къахэщэгъэнхэм афэгъэхьыгъэхэр. Адыгабзэм икъызэтегъэнэн, лъэпкъ Iэпэщысэхэм ягъэлъэгъон, ныбжьыкIэхэм ядунэе зэлъыкIон, къэбар жъугъэм ылъэныкъокIэ зэпхыныгъэхэр анахь шъхьаIэхэм ащыщых.
Адыгэ Республикэмрэ адыгэхэу IэкIыбым щыIэхэмрэ язэдэлэжьэныгъэ зэпстэумкIи хэхъоныгъэ ешIы. Сицыхьэ телъ КАФФЕД-р къызэрэкIуагъэм ишIуагъэкIэ ащ джыри зызэриушъомбгъущтым.
Непэ къаIэтыгъэ Iофыгъо пстэури тыгу етыгъэу зэдгъэшIэщт ыкIи унашъохэр тшIыщтых урысые-тыркуе зэзэгъыныгъэхэм такъыпкъырыкIызэ, джащ фэдэу Дунэе Адыгэ Хасэм ипащэхэм яшIошIхэр къыдэтлъытэхэзэ.
Сицыхьэ телъ IэкIыбым щыпсэурэ адыгэхэм зэпхыныгъэу адытиIэм зызедгъэушъомбгъукIэ, тапэкIэ тикъэралыгъохэм – Урысыемрэ Тыркуемрэ – язэфыщытыкIэ шIуагъэ къызэрэфихьыщтым.
Facebook 
Twitter 
Pinterest 
Linkedin 
Tumblr 
vk 
Odnoklassniki 
Reddit 
Whatsapp
Google Bookmarks
